Dasar jodo, ku teu nyangka sacongo buuk ogé, maksud ngurilingan dunya ku ngaboséh Béca. Éh, karék népi ka Inggris panggih jeung Sarah Mc Mahon randa rendey. Teuing naon alesana karék dua kali nganjang geus disampakeun lebé. Agul kawin ka bulé. Atuh neruskeun hanca satengah dunya deui teh jeung pamajikan. Tapi keun baé ongkoh genah wé teu bingung néangan pispot.
Sataun satengah lalampahan, béak béca salikur lain ruksak dipaké tapi dijual ngarah bati.Lumayan ngenténgkeun resiko duaan. Nepi ka lembur.
"Haahh..!" Boro érék agul, salembur kuring, baroga pamajikanna ka urang bulé.