Pangaosan Kemisan. Réngsé. "Kumaha Nyai, tos aya pilihan téh?" Bu Haji, garwana Buya ngadeukeutan. "Ieu geura aya calon," Bu Alwi ngasongkeun foto, "masih katalian wargi. Akuntan. Damel di bank!" pokna deui. "Abdi gé aya calon mah," Ibu Abu ngéngklokan, "tos damel, ngawulang, putrana pun Bibi!" pungkasna.
Tarbiyah Ustad Ahmad tadi soré, nambah teteg. Yén cenah jalan da'wah téh perlu pangrojong kulawarga. Utamana geureuha. Nongtoréng kénéh omongan salakina, basa dikolongan keretegna. Pokna gé, "Bapa mah Bu, teu rék ngajaheutkeun haté Ibu. Kahéman Ibu. Kagetén Ibu. Hamo bisa disisilihan. Atuh éta cenah upama geus nepi kana takdirna. Nyanggakeun wé kuma Ibu. Dina ayana gé lolongkrang, hayang dipangmilariankeun, sakumaha pilihan Ibu!"