Jalan hareupeun Masjid kacamatan ngadak-ngadak ramé. Beda ti poé biasa, ti anu dagang balon nepi ka tukang cilok nyampak. Abrulan jalma ti suklak-siklukna ngaleut. Panasaran hayang ngabuktikeun tina béja pabéja-beéa cenah aya pangaosan anu di Ustadan ku ustad kondang anu keur jadi sabiwir hiji.
"Gancang leumpangna bisi teu kabagéan tempat" Tukang macul ngagedig leumpangna nyumangetan babaturan.
"Idih, ngan sakieu leumpang uing mah" Ngiclik, nuturkeun.
Nepi ka anu di tuju. Balandongan geus kakuliring ku noyégna jelema. Panas poé teu ieuh galideur. Denger kana papatah Ustad. Panungtungan tausiah. Jelema sakumna rungah ringeuh bangun teu sugema.
"Sarua wé jeung ustad nu lain" Tukang Macul ngungkug balik.
"Ari sugan téh aya adegan anu jiga dina Youtube" Baturna mairan.