Cigunung, Lukisan kénging Yus Rusamsi
Update: 17 April 2014 07:50:17
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 13 April 2014 10:03
Brahma Kumbara: " Perjalanan Hidup Sang Satrio Piningit Dalam salah satu karyanya, Raden Ngabehi Ronggowarsito menulis sebuah ramalan tentang sosok Satrio Piningit. Diceritakannya bahwa ada tujuh julukan yang menyebutkan Ciri ciri Satrio Piningit yang kelak akan memimpin wilayah seluas kekuasaan Majapahit dulu. Tujuh julukan Satrio Piningit yang lain itu antara lain: Satria Kinunjara Murwa Kuncara, Satria Mukti..."
Salasa, 08 April 2014 22:43
Titin Sutinah: " Assalamualaikum Sampurasun Ku asa bagja mendakan grup sunda nu konsistén dina ageman nu diwuwuh ku atiuran nu tegas pikeun karancagéan anggotana. Salam pangwanoh ti sim kuring nu reueus ku ajén-inajén dina kasundaan, hatur..."
Rebo, 26 Maret 2014 10:05
Rohendi Pandeglang: " Pun Tabe ieu Pun Kul karek noong deui imah. sadayana sumangga tatan-tatan urang ka Baduy, nyampeurkeun wiwitan..."
Ahad, 16 Maret 2014 02:16
Mamat Dan Mimin: " Basa Sunda téh Basa Indung nu mibanda ajén inajén luhung tur agung, nu teu tiasa diukur ku matéri, wajib diraksa, diriksa, dirumat, tur dimumulé ku urang sadaya. Jadi, saha deui nu baris ngajungjung tur ngamumulé Basa Sunda téh upami sanés ku urang Sunda pituin? Tumali sareng kitu, hayu urang sasarengan nanjeurkeun sareng ngaronjatkeun ajén inajén Basa Sunda, diantawisna ngalangkungan..."
Ahad, 16 Maret 2014 01:59
Mamat Dan Mimin: " Basa Sunda téh Basa Indung nu mibanda ajén inajén luhung tur agung, nu teu tiasa diukur ku materi, wajib diraksa, diriksa, dirumat, tur dimumulé ku urang sadaya. Jadi, saha deui nu baris ngajungjung tur ngamumulé Basa Sunda téh upami sanés ku urang Sunda pituin? Tumali sareng kitu, hayu urang sasarengan nanjeurkeun sareng ngaronjatkeun ajén inajén Basa Sunda, diantawisna ngalangkungan..."
Senén, 10 Maret 2014 20:59
Bach Cheproth: " Sampurasun, Hapunten Ki Kuncen, sim kuring tumorojog seja aub di ieu pakumpulan (FBS), seja ngiringan ngintun ..."
Rebo, 05 Maret 2014 19:39
Asep Saebat: " Sampurasun, Hapunten Ki Kuncen, sim kuring tumorojog seja aub di ieu pakumpulan (FBS), kataji ku rohangan anyar. Mung sim kuring teu acan ngartos kumaha jujutana pami bade ngintun naskah, cekap tina pesbuk atanapi liwat man? Pami teu kaabotan sim kuring neda waleran. Hatur..."
Senén, 03 Maret 2014 09:47
Sastra Jingga: " Sampurasun. Haturan ka ais pangampih, oge kadang warga fbs. Nyanggakeun salam pangwanoh. Hatur..."

Admin Fikmin

Kénging Godi Suwarna
Dipidangkeun dina lapak 13 Fébruari 2014 16:24:07

Anggota anyar di lapakna téh. Fikminna gé karék dua. Teu pira dibebener kalimahna. Bet jadi malik teu suka. “Admin belegug! Nyanyahoanan!” Kalah nyieun status kitu. Kuman-koménna teu weléh ngahasud batur. Geunjleung. Inboks pinuh ku nu ngangluh. Garuligah. “Keun. Moal engké gé!” Cukup dijawab sakitu. Disabaran. Nu ngékéak beuki maceuh. Nyucud.

“Uing nyaho mangkelukna! Cuang warah!” Si Dajal nginboks. Okém meleg-meleg manéhna téh. Tara mikmin. Ukur getol ngajempolan. Dihulag. Dipeupeujeuhan. Teu némbalan. Heuleut tilu poé. Si Dajal nginboks deui. Bréh. Gebeg. Potrét dampal leungeun. Sapasang. Semet pigeulang. Ramo-ramona lamokot. Garetihan. “Ku uing dibuntungan! Ngarah teu bisaeun ngetik! Qiqiqiq!” cenah. Teu percaya!

Tapi nu ngambek ngiles ti lapak. Reuwas. Si Dajal terus diinboks. Teu ngawalon-walon. Guligah. Gulinggasahan. Peuting-peuting. Aya nu ngetrokan panto. Dibuka. Luak-lieuk di buruan. Taya sasaha. Bet nyelengseng bau bugang. Rarat-rérét. Bréh. Sapasang dampal semet pigeulang. Bilatungan. Tingkodomang lir kapiting. Curukna tutunjuk. Nyalampeurkeun. Beuki deukeut. Laluncat ngincer genggerong. Nyarekék! Tipepereket!