Kariaan geus lekasan. Nu jogéd, ngalempréh di kamar séwang-séwangan.
“Trak.. trok..” Sora paaduna bola bilyar, masih mapaés peuting nu ngagayuh ka janari. Dina luhur dipan, implengan masih nyawang ka nu dibaju carang. Séréngéh seuri sorangan. Nuturkeun lamunan.
“Trak.. trok..” Muyarkeun lamunan. Kuniang hudang, da dipereumkeun mingkin ka sawang. Gening teu saurang-urang acan nu maén bilyar.
“Trak.. trok..” Geuleuyeung, bola bodas maju sorangan. Rét, ka juru méja bilyar. Gebeg. Aya nu dibaju carang. Euweuh sirahan…*