Ngahariring nu gering, hésé hudang dék tunggang gunung, mérésan sagala kahayang. Bari ngahaleuang tembang omong kosong. Nyarita bangsa siloka, réa eusi pituduh jangji, mega malang panglawungan. Éndahna kahayang.
"Pilih kuring. Pilih aing. Pilihan silaing ka kaula." Nu Gering harééng soré-soré, bari nancebkeun banner, ngejréng kasinar panonpoé pasosoré.
Nu Gering keur anteng mulangkeun kuring ka kuring, siga medal ti sawarga loka, nangtung di tengah m éga malang, "Kuring anti korupsi. Kuring bakal bersih mingpin nagri."
Taya jalma nu punjul, ukur paribasa nu dibolak-balik ku manusa. Leuwih naon kurang naon, ngan jadi paurang-urang.
Poé geus pabeubeurang, "Pa énggal gugah, itu saur urang sebrang kedah ditransper kasaha?"
"Heug atuh!" Hudang. Nu Gering angger nembang, ngigelan kahayang.