Bu Haji Énah, pimitohaeunana, kanyahoan ngomongan Rina, “Tong kersa ka Uné! Badé ngaharepkeun naon Enéng téh? Jalma koréh-koréh cok!”
Uleman titipan RT teu tulus tepina. Ngarobah tujuan.
“Sakur nu hirup di alam dunya bener kitu pisan koréh-koréh cok! Hasil ayeuna didahar ayeuna! Aya nu sateureuyeun aya nu réa sésana, tos papastén. Mun dijeroan, sakabéh oge koréh-koréh cok. Sabab dina arék makéna, dina arék ngadaharna tetep merlukeun prosés. Cék Emang kitu gé!” Mang Usdi nungtungan.