Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Lonely Lady

Kénging Tatang Sumarsono
Dipidangkeun dina lapak 27 Maret 2012 12:06:25

Naha tebih-tebih teuing, Nénéng, sakola téh, mani ka Amerika? Abdi leungiteun pisan, tutur sasarina dikuah-kieuh, ari ayeuna suwung piwarang. Abdi tara mungpang. Resep tuda pami salira miwarang téh—duka ku naon atuh. Kétang, kantos abdi ngahulag, waktos salira keukeuh palay tunggang Lonely Lady, sina lumpat ngurilingan lapang, ngiring babalapan sareng joki nu nuju latihan.
Eum, tada teuing Juragan benduna, pami salira dugi ka ragrag tina kuda.
Ayeuna, abdi sering hual-hiul. Padahal waktos salira nuju aya, abdi teu kinten jigrahna. Méméh tabuh tilu sonten, kuda tos diberesihan-didangdanan. Sakalieun salira teu sumping margi aya pamengan, abdi sok teu puguh rasa bari kuciwa.
“Bibitkeun waé Lonely lady téh, Tatang, da ayeuna taya anu makéna,” saur Juragan ka abdi.
Nénéng, tos badé dua taun, urang teu tepang. Kuda kameumeut salira tos ageung reuneuhna. Abdi nguping hawar-hawar, pajar salira parantos mulih—tapi naha rerencepan?
Kamari mendak deui wartos, salira parantos ngababarkeun—tapi naha bet disingkurkeun?

Komentar (49)

Eman Rais
Tangtos Neneng baris MBA, jang Tatang. Wayahna weh geugeutan tapakna di Lonely Lady.
Nyai Endit
Janten emut Si Sekar Panggung ieu teh ...
Tatang Sumarsono
Dina Sekar Panggung mah, namina Entom heula, Nyai Endit.
Maman Gantra
Wah, Kang Tatang ngadamel fikmin semu kayas. Tegep, yeuh.
Tatang Sumarsono
Muhun, Pa Eman Rais, dugi ka ayeuna gé sadelna henteu wantun ngelap komo ngumbah, bilih seungit kakantunan Neneng ical.
Nyai Endit
Sanes kitu, saparantos maos Si Sekar Panggung, Nyai janten uninga, kuda nu kumaha pami nu dibibitkeun, teras dikumahakeun pami kuda pacu nu tos pangsiun, teras kumaha pami ngalatih kuda kangge dijantenkeun kuda pacu. (padahal teu ningal langsung, nanging Nyai tiasa ngareka-reka, kitu maksad teh ..)
Tatang Sumarsono
Kayas, Ang Maman Gantra? Padahal kudana bulu napas.
Tatang Sumarsono
Mémang ampir sarimbag témana sareng Sekar Panggung, Nyai Endit.
Dadi Arya
Nya...ceuk pun uing gé, naon? nepi ka nyieun judul gé, teu bisa sagawayah. Elmu, yeuh... Nénéng téh resep tunggang Lonely Lady, da kameumeutna. Nénéng gé, lonely lady téa, matak dua taun teu patepang, dugi ka ngababarkeun laju disingkurkeun gé. Wilujeng ngahiul wé ka sakur lonely..
Eman Rais
Wew hehe, asal sadel digantung weh ki Tatang. Pami sering dipasang mah tangtos matak bau hitut kuda.
Tatang Sumarsono
Jih, éta Ang Dadi Arya, mani jero sareng lega kitu ngumbar imajinasina. Malik jempol ti pun uing.
Tatang Sumarsono
Sadel mah pan dina tonggong kuda. Paling-paling gé bau késangna.
Zulaikha Sobana
Janten naon atuh bentenna Neneng sareng kuda saatosna sami2 "berbadan dua"?
Tatang Sumarsono
Nu Jelas, Teh Zulaikha Sobana, waktos Lonely Lady dikawinkeun, Juragan kedah mayar jutaan ka anu kagungan pejantan. Kitu tah.
Rohaendi
mikiran Lonely Lady nu reuneuh, jeung eneng nu mulang laju babar, sasalingkuran... moal kadoang Lonely atawa nu ngurus na mah?
Zulaikha Sobana
Mung Si Lonely mah hslna jntn kareueus dumeh turunan kuda pinilih, sdngkn pami Neneng saur ramana teh: Ngerakeun....!!!
Tatang Sumarsono
Duka tah, Ka Rohendi Pandeglang.
Tatang Sumarsono
Amerika tuda, Teh Zulaikha Sobana. Padahal mending sina betaheun di istal, nya?
Maman Gantra
Abdi mah ngabayangkeun si Neneng teh sarupaning Neng Larasati Gading nuju anom. Mung, jenis permaenan kudana benten panginten, nya? Ieu mah kuda balap.
Zulaikha Sobana
Muhun, tp da saur paribasa "kaduhung mah tr tiheula" ayn mah pilari we ramana, da piraku disabapakeun srg Si Lonely...
Riyono Afdfvm
halah si neneng sigana ku kuda amerika, nu janten pertarosan dupi si Lonely Lady kusaha tah kang Tatang Sumarsono, hahahaha
Dewi Budi
Fikmin kayas polet abu-abu........janten lonely man hehe......
Zulaikha Sobana
Jntn kacindekanana tos kitu mah ajen jalmi lngkng handap tibatan sato geuning nya, sanaos geulis atnp turunan saha...?
Iwan Hanjuang
kuda teh nuju kakandungan? iraha babarna?..naha meni teu wartos-wartos... hahahahaha
Irman N Dimyatié
:"Baruk, kuda teh keur kakandungan? Kusaha?"
Riyono Afdfvm
ku kang Irman Dimyatie sareng kang Iwan Hanjuang
Iwan Hanjuang
Irman Dimyatie, ny ku ketua FORDASI jabar atuh, nya ku saha deui hahahahahaha
Budi Mugia Raspati
Kayas nu disingkurkeun...
Wawan Setiawan Husin
sim kuring nangkep: cinta teu kabales, dedikasi, pemujaan, kuciwa gede, putus harepan, disingkurkeun sih (sapamadegan sareng Budi Mugia Raspati). Bisa jadi ieu teh sisi lain kang Tatang Sumarsono. Tapi ceuk basa budak ayeuna: "gw kehilangan elo (Neneng) bangets"!!! Jempola sapadati!
Tatang Sumarsono
Ang Riyono Afdfvm, Lonely Lady dikawinkeun ka King of War, pejantan (sok asa-asa waé rék nyebut pamacek téh, Ang Iwan Hanjuang) kénging ngimpor ti Belgia, jenis womblat, bulu bodas.
Tatang Sumarsono
Ang Iwan, Ketua Pordasi Jabar téh tokoh PDIP ti DPRD Jabar. Tah, Ang Maman Gantra, Lonely Lady téh tos janten kuda tunggang, tadina mah kuda balap (umur 2 dugi ka 6 taun). Biasana kitu, kuda nu tos pangsiun tina racing, pami adatna saé, teu bedegong, sareng potongan awakna saé (kelas C ka luhur), biasana sok dijantenkeun kuda tunggang, najan engkéna mah sok dibibitkeun.
Tatang Sumarsono
Kang Wawan Setiawan Husin, merenahna pisan mah: cinta ka anak dunungan anu statusna jauh tanah ka langit. Sisi séjén Tatang Sumarsono? Leres pisan dina urusan kudana mah. Pun uing ayeuna nuju jejem di Pordasi Jabar, saparantosna lirén tina moro téh (biasa, Kang, purah diutuh-étah). Tah, pami urusan cintna mah, duka. Mungkénging mapantes wungkul, da.
Tatang Sumarsono
Kayas disingkurkeun nya, Jang Budi Mugia Raspati? Ceuk pun uing gé, Lonely Lady téh bulu napas, suku tukangna anu kenca aya sopalan, kukulinciranana sumur bandung.
Tatang Sumarsono
Hiji waktu aya ku hayang ngajakan teu bener ka Ang Irman Dimyatie, urang ulin dina bab perkudaan, yu!
Irman N Dimyatié
:"Hahahaha... halah eta Ang Tatang Sumarsono."
Tatang Sumarsono
Tacan kantos mendak Lonely Man mah, Neng Dewi Budi. Aya ge Braveheart (juara derby 2008, asana), sareng Gagah Tanjungsari (juara derby 2011, kagungan Pa Alex Asmasoebrata).
Maman Gantra
Hahaha... Waas. Ngabayangkeun Kang Tatang nyarios "Tah, pami urusan cintna mah, duka. Mung kénging mapantes wungkul, da." bari tungkul, aluman-alimen, nyonyoo kuku.
Maman Gantra
C, ka luhur teh A sareng B panginten, Kang? Sieun lepat hartos. Sareng eta, pembibitan kuda di urang tos seueur? (Da, kantos nguping teh ti rerencangan, anjeunna sok ngadatangkeun kuda teh langsung ti Ustrali).
Wawan Setiawan Husin
nyoo kuku jeung ngagaroan.... bujur... kuda!
Neneng Sitanggang
na atuh neneng teh ku tega nya ka kang Tatang Sumarsono... Neneng.. Neneng.. hehehehe.....
Tatang Sumarsono
Ha-ha-hah ... Ang Maman Gantra, pun uing anu boga beungeut sakieu gerengna (moal nyebut macho, bilih aya wanoja anu kapéngpéongan), disebat aluman-alimen?
Tatang Sumarsono
Jih, Ceu Neneng Sitanggang. Enya, aya ku tega ngantunkeun Tatang Sutisna, asisten pelatih di Mandera Stable.
Ki Baba Gibson
disingkurkeun, margi isineun ku Lonely Lady.....
Tatang Sumarsono
A minimal 158 cm, B minimal 153 cm (gaduh hak ngiring pacun derby), C minimal 148 cm, jst. Ieu aturan tumerap (berlaku) dina Pacuan Kelas. Upami ukurnana track record, disebatna Pacuan Handycap (rupi-rupi ukuran tiasa nyampur). Kuda impor, biasana kanggo pejantan (mantan juara). Teu ti Australi wungkul, tapi deuih ti Amerika sareng ti Inggris di antarana. Duka tah mantan juara di Dubai, naha aya anu janten pejantan di urang. Kitu, Ang Maman Gantra.
Maman Gantra
Tah, ngeunaan Dubai, kantos nguping teh urang Inggris ge saurna ti darinya maleseran kudana. Leres eta teh, Kang?
Nyimas Kanjeng Ratu Yuyu
Lonely Lady...kuda nu diurus ku lonely man, rupina mah sanés kuda pacuan, tapi kuda kanggo tunggang serasi kitu?
Tatang Sumarsono
Cenah, kuda ungguln ayeuna seuseueurn aya di Dubai, Ang Maman Gantra.
Tatang Sumarsono
Muhun, Nyimas Kanjeng Ratu Yuyu, Lonely Lady téh diurusna ku Tatang Sutisna. Perkawis sajarohna, tos dipedar di luhur.
Maman Gantra
Yaktos, Kang. Malih, nu disebat kuda Inggris teh, oge kuda Ustrali, kawitna ti wewengkon eta. Duka mangsa Perang Salib, duka beh ditu deui... Wallohualam.