Update: 27 April 2012 20:40:07

Bujang Kolot, Ditonjok Congcot

Ku Dadi Arya

TEUING kasabaraha rébu kalina. Teu wawuh jeung malem minggu. Kawas burit ieu. Ngadon tunggon kebon nu kolot. Nyorén bedog. Nyoréndang bedil. Cinutrung. Ngawaskeun sawit nu anyar ceb.
Korosak! “Bagong, kitu?” Curinghak. Bedil dikokang. Dikécéng. Korosak. Jedér! Bedil dibekaskeun. Gaik! Gorobas. Gorobas. Gajleng! Kuring mesat bedog. Sebrut. Ngudag. Nyusud getih, nu crut-crét 'na titincakan. Panon ngulincer. Ngimeutan tapak.
Gok, ka hiji saung. Beuki deukeut. Bréh, budak rambisak. Ngalahun anjing hideung. Baloboran, teu empés-empés. Manéhna mencrong. “Ema! tuh nu maéhan si Bapa mah!” Si budak tutunjuk ka kuring. “Manéh kudu tanggungjawab!” Pokna bari nangtung. Anjingna dikélék. Kurunyung, awéwé sampulur. Nyekel pangarih. “Ayeuna kénéh, manéh kudu ngawin si Ema!” ceuk si budak, nyekel leungeun éta awéwé.
Pluk, bedog lésot tina cekelan. Kuring, ngan bisa calangap.

Koméntar kana ieu Fikmin:
  1. Eman Rais: Huh ki Dadi mah, karak nempo awewe sampulur weh, mani sakitu calangap na. Hehe, kade ah bisi aya laleur badag larsup.
  2. Rudi Riadi: Edaaassssss....Sangkuriang moderen Mang Aria. Aya ku nikmat fikmin teh. Nu kieu yeuh fikmin petingan mah. hayalan tingkat tinggi diwuwuh ku kekecapan anu merenah tumaninah. mebes pisan. jempol sakebon sawit nyanggakeun.
  3. Asép Bénito Aripin: katurug katutuh atuh eta mah kang Dadi hehe, mobok manggih gorowong kanggo ki bujang
  4. Basyar Isya: Subhanallah, Bah Eman Rais gentos deui foto. Tuuuh ayeuna mah katawis gantengna, Bah.
  5. Yanti Sri Budiarti: Digilekkeun sakedik oge karaos enggal..:) Padahal lalakonna tos pada apal...:) Saeeee...!
  6. Dadi Arya: Bah Eman Rais, hehe...bubuhan sanés istri samanéa, Bah...
  7. Dadi Arya: Kang Rudi Riadi, nyobian ngajaulkeun lamunan, heuheu...Hatur nuhun ah jempolna dugi ka upluk aplak.
  8. Eman Rais: Sumuhun ki Basyar, hatur nuhun. Geuning teu pajeng upami hoyong geulis mah. Matak aringgis palaur weh panginten.
  9. Eman Rais: Sumuhun ki Dadi, kantena salira mung murag bedog. Duka tah upami abah.
  10. Dadi Arya: Kang Asep Asép Bénito Aripin, sanaos 'sékén', namung kalebet 'sabot macul manggih belut' kénéh, nu ieu mah. Jékpot.
  11. Basyar Isya: Saur saha teu pajeng? Sok cobian deui geura, Bah Eman he he ....
  12. Dadi Arya: Aceuk Yanti Sri Budiarti, muhun tos seueur pisan, nu medar Sangkuriang-Dayang Sumbi. Nyobian pipilueun, tawis deudeul, bongan seueur nu masih léngoh bangun liwung mayunan malem minggu, heuheu...Nuhun ah.
  13. Yanti Sri Budiarti: Pami kitu mah judulna kedah Fikmin # BOJONG KOLOT, DITONJOK CONGCOT # hehehe
  14. Dadi Arya: Bah Eman Rais, naon atuh muragna Bah? hehe...
  15. Tien Widartini Darodji: Sangkuriang na bageur suganteh bade ditenung janten anjing .sihoreng hukuman nu ngatoh-ngatoh pameget.heuh
  16. Eman Rais: Sumuhun parantos ki Basyar, manawi eta la,teu pajeng tea. Nasip ... nasip.. Eumh, hehe. Sdinten ieu teu tiasa dihubungan hapena.
  17. Eman Rais: Duka tah ki Dadi, namung matak abah langlayeseun sadidinten yeuh, hehe.
  18. Tien Widartini Darodji: eumm,hawatos
  19. Maman Gantra: Heded, Kang! Dongeng Sangkuriang disoledatkeun ka palih dinya. Bari, settingna dialihkeun pisan ka wewengkon Riau. Yaktos, Kang: Tegep!
  20. Akang Remi: Wahahaha, nyoledat, Gan! Meni gasik Sangkuriangna ge, nitah nu nelasan bapana ngawin si Ema, bangun atoh! heuheuheuheu
  21. Ki Hasan: Mantap Kang Dadi Arya. Kang Maman Gantra, kebon sawit mah, di Pameungpeuk ge ngabadeg.
  22. Maman Gantra: Yaktos, Ki Hasan. Wartosna mah dadamelan Juragan Tommy kapungkur. Mung, kumargi kantos maos Kang Dadi ngangken linggih di Dumai, duka heureuy duka heunteu, lamunan sim kuring ngibrit ka Riau... Reueus satemenna mah upami leres kitu.
  23. Dadi Arya: Aceuk Tien Widartini, sangkuriang na alit kénéh, bageur kénéh, da tacan sakti, hehehe
  24. Dadi Arya: Kang Maman Gantra, kanggo Dayang Sumbi mah, nyolédat gé matak ni'mat. Sanaos nuju ditingker ku kebon sawit, hehe...
  25. Elis Sri Yovita: henteu ditakol ku pangarih ??
  26. Tatang Sumarsono: Tegep, Ang. Aya tarékah kaluar tina konvensi.
  27. Budi Mugia Raspati: Tegep!..kecap nu raos..jempol!
  28. Dadi Arya: Gan Remi Sadkar, hehe...nyolédat membawa nikmat
  29. Dadi Arya: Ki Hasan, pun uing nembé terang pami di pameungpeuk gé ngabadeg. Panginten aya pabrikna ogé atuh nya? Manawi téh di luar jawa wungkul. Kaleresan pun uing di sabudereun Bengkalis, ningker. Numawi ngaléokna kadinya, hehehe. Nuhun ah
  30. Ki Hasan: Tiasa digoogling Kang Dadi Arya, asana dikelola ku pausahaan Sime Darby.
  31. Dadi Arya: Kang Tatang Sumarsono, ngeureuyeuh, manawi. Nuhun ah
  32. Dadi Arya: Teh Elis Sri Yovita, Dina sasakalana, nu ditakol mah Sangkuriang, numawi dugi ka rambisak kénéh gé..atuh ka si kuring mah moal, do badé janten gegentos 'bapa' Sangkuriang..hehe
  33. Dadi Arya: Kang Budi Mugia Raspati, tacan nanaon atuh kanggo pun uing nu cacarakan mah...Nuhun katampi jempolna.
Ngeunaan Ieu Naskah:
Naskah lianna karya Dadi Arya
  1. Nu Cinutrung Di Juru
  2. Bujang Kolot, Ditonjok Congcot
  3. Gratifikasi
  4. Ngimpor Carios
  5. Rapat Dengar Pendapat
  6. Raheut
  7. Sabot PoÉ Juma’ah
  8. Lalangsé ‘na Pecel Lélé
  9. Nu Teu Kacatur, ‘Na 10 Nopember
  10. Sipir Penjara
  11. Zhang Xiaoling
  12. Zhang Xiaoling
  13. Nu Marakayangan
  14. Sanggeus Tujuh Taun
  15. Balabuh
  16. Nu Tinggaleun
  17. Maleman Pangantén
  18. Uyah Kidul
  19. Ubar ‘Ventrical Septal Defect’
  20. Singhoréng
  21. Nyanéh Heula!
  22. Mulang Tarima
  23. Pileuleuyan, Eulis…
  24. Kahalang
  25. Gandrung Kapegung
  26. Tilu Menit Panungtung
  27. Teu Mais Teu Meuleum
  28. Sérpis Tipi
  29. Ajug
  30. Kado
  31. Mardud
  32. Rayagung
  33. Nipas
  34. Harewos Hulu Angen
  35. Insap Ku Google Earth