Cigunung, Lukisan kénging Yus Rusamsi
Update: 24 Oktober 2014 09:10:21
Login ku Akun Facebook

Pangréana Fikmin

Pangaléwohna

Koméntar ti Kanca

Salasa, 30 Séptémber 2014 00:41
Rubi'ah Adawiah: " assalamu'alaikum warahmatullah kularwargi sadaya, resep pisan ningal blog-na. eusina rupi-rupi anu janteun pangaweruh, mugia ngajanteukeun barokah tina elmu anu tiasa kamangpaatkeun. Aamiin..."
Kemis, 21 Agustus 2014 08:23
Intan Permata: " Asa lebet ka kebon kembang warna..."
Saptu, 16 Agustus 2014 12:32
Iwan Nurdiansyah: " betah, nambahan pangaweruh, utamina basa nu buhun, nu murwakanti, nu ngandung siloka,..."
Jumaah, 15 Agustus 2014 09:57
Dharma Lesmana: " Hoyong ngitun artikel, kamana..."
Kemis, 14 Agustus 2014 09:06
Alex Hasan Sapari: " Assalaamu'alaikum... Sampurasun...! Kalintang bingahna sim kuring tiasa gabung di grup FBS ieu. Aya sakedik pamundut; Rumaos bodo kana basa luluhur téh, utamina mah perkawis Undak Usuk Basa sareng cara ngalarapkeunana. Rupina upami di Tepas Fikmin ieu--di sagédéngeun Kamus Basa Sunda--di-postingkeun Undak Usuk Basa, tangtosna Tepas Fikmin téh janten langkung sampurna. Hatur..."
Rebo, 13 Agustus 2014 12:09
Aliayachoer: " ..."
Rebo, 25 Juni 2014 10:15
Mang Eboed: " Naha teu tiasa muka..."
Kemis, 12 Juni 2014 11:48
Ifunk Anker Karindink: " Assalamualaikum, wilujeng wayah kieu..."

Keukeuh

Kénging Liezbella Swanzen New
Dipidangkeun dina lapak 22 Maret 2012 22:41:41

Aya ku hemeng nenjo si Ujo ayeuna. Teu sirikna unggal peuting manehna ngaca, buuk di tanco meni kulimis, teu poho make minyak nyongnyong nu seungitna ngelehkeun minyak nu matak ngagebrugkeun widadari ti langit.
"Kamana, Jo?," ceuk kuring barang nempo manehna ngaleor ka panto hareup, peuting ieu. Kuring nu keur udud jeung ngopi di ruang tamu, ukur bisa olohok pas si Ujo nyarita, "..tong nanya ayeuna, can puguh da," bari ngaleos indit. Naha asa teu nyambung rarasaan teh eta jawaban? Kuduna ge, ka anu,ka ditu,ka dieu, naha bet kitu jawabanna?. Tapi, kuring teu loba tatanya deui, jep, jempe.
Peuting beuki kolot. Kolotrak, aya nu muka panto hareup. Korejat, kuring ngorejat reuwas, dipegatkeun tina pangimpian dina korsi tamu. Sihoreng si Ujo karek balik. Katempo paromanna semu nu nguluwut, langsung muru ka kamarna. Tuluy kuring pindah ka kamar, teu nanya si Ujo da hayang buru-buru neangan ngimpi deui. Barang ret ka panto kamar si Ujo nu melenge, ka intip si Ujo keur ngagerendeng ngadoa sanggeus solat. Hawar-hawar kadenge doana teh kieu, "Duh Gusti, lamun seug manehna teh pijodoeun kuring, mugi dideukeutkeun jeung kuring, tapi lamun manehna lain pijodoeun jeung kuring, mugi dijauhkeun..jeung jodona, tuluy deukeutkeun jeung jodokeun ka kuring..,"
Naha atuh, panon ngadadak cenghar, teu kuat tuluy ngabarakatak, akey-akeyan. Eta gening jawaban robahna si Ujo salila ieu. Alus kituna mah, panceg kana kahayangna.

Komentar (15)

Iwan Hanjuang
Plot cariosna sae Neng, mung panjang teuing kanggo FBS mah.
Akoer Lah
Ciwit wae Kang Iwan! sok kajongjonan kitu ari nulis teh, cekeng ge dina ms word heula, "notebook" na angge atuh tong tina hp wae! jadi moal kasair dina web na!
Liezbella Swanzen New
Oh kitu?.. Kedah di edit deui panginten hhee... Haturnhun kang Iwan diuningaan..
Akoer Lah
Naha hilap dai atuh? apanan maksimal 150 kecap, sok ngisinkeun wae ah!
Liezbella Swanzen New
Bp...lola tuda... Kesel pisan ngantosanna heheh..
Liezbella Swanzen New
Maklum tos wengi pa.. ;)
Iwan Hanjuang
lebar Neng ke moal ka arsip ku admin, ari panjang teuing mah,Plotna sae pisan..
Liezbella Swanzen New
mhun..mhun.. Bade diedit deui... :)
Akoer Lah
ditingal di leuit web fikmin, eta aya 272 kecap & 1776 karakter!
Liezbella Swanzen New
Euleuh geuning... Heheh....
Yusef Muldiyana II
Liezbella Swanzen New hueheueueueu... resep pisan lah dongeng aya tanco-tancoan teh asa wararaas emut ka Charles Bronson, hanjakal dongengna kirang panjang, teu wareg maosna... panjangan deui lalakonna tilu tikel deui mah hehehee...
Liezbella Swanzen New
Duh, kumaha ieu teh, saur kang iwan srg bp akoer kedah dipondokan, .. Pami kahoyong kang Yusep kedah dipanjangan... Hheee... :)
Maman Gantra
Rupina, maksad Kang Yusef: Lian ti dipondokkeun deui, Teh Liezbella ngadamel oge versi carponna -- nu langkung panjang deui ti ieu naskah. Manawi...
Liezbella Swanzen New
Oh, kitu panginten rupina kang maman, didamel carpon hhee...
Maman Gantra
Yaktos, Teh Liezbella. Didamel carpon oge.