Update: 29 Maret 2012 11:50:20

Palakiah Eureun Ngaroko

Ku Sanjaya Dhipa

Ayeuna geus tara hayang udud deui, saprak nurut ka Néng Susi. Ceuk Néng Susi, lamun hayang eureun udud téh, kari selapkeun heula ududna kana kélék, tuluy ambeuan. Puguh baé nyegak pisan bauna. Matak, udud langsung dibalangkeun. Lamun hayang deui udud, kari selapkeun deui kana kélék, ambeuan wé, tuluy balangkeun.
“Kang, naha geuning ayeuna masih kénéh nyanyandak roko? Saurna tos lirén nyesep…” tanya Néng Susi.
“Sumuhun, tos lirén nyesep mah. Nanging ayeuna téh abdi kacanduan nyelapkeun roko kana kélék, sareng ngambung seungitna…”

Koméntar kana ieu Fikmin:
  1. Ricky Andriawan Mardjadinata: Abdi yakin ieu pangalaman kang Dhipa asli !! He...
  2. Dhipa Galuh Purba: cik atuh nyieun fikmin teh ulah heureuy bae... tingali tuh batur mah sarerius... na teu era ku Nyai Endit, Nun Bulan, Jejen Jaelani W, Lugiena De, komo ku Kang Godi Suwarna.....
  3. Sanjaya Dhipa: Dhipa Galuh Purba: Kajeun kehed... kumaha uing we....
  4. Jejen Jaelani W: hehehe...baku pami tos parasea teh eta dua saderek nu sajirim... hehehe...
  5. Nun Bulan: wew ah.
  6. Ya Soebarta: Euh puguh pun bojo mah pami nuju merkedud teh, song weh diasongan kelek, da langsung ngagelehe...heheheheh!!!
  7. Rukmana Master: kelek dupa sigana mah..! hahaha
  8. Tatang Sumarsono: Cenah nyelapkeun rokona téh kana kélék Dee Melinda.
  9. Mang Jamal: Hahaha
  10. Melati Permatahati: falakiah teh naon/
  11. Dadi Arya: Teh Melati Permatahati, Palakiah= cara, tips....kitu manawi. sanes falakiah/ falakiyah= nu patali sareng elmu falak (astronomi)
  12. Endah Dinda Jenura: candu haseuuuuuuummm... heuheu!
  13. Ahmad Fawzy Imron: Sae..fikmin panjalu tea ieu mah.. :)
  14. Iwank Pamungkas: Roko sareng kelek asli ta teh? kade ah, bilih lepat rokona sareng bilih lepat kelekna,... heu heu he
Ngeunaan Ieu Naskah:
Naskah lianna karya Sanjaya Dhipa
  1. Basa Lalajo Bajidoran Namin
  2. Palakiah Eureun Ngaroko
  3. Pajaratan Cinta Xi
  4. Pajaratan Cinta
  5. Dua Minggu Saméméhna
  6. Gombal
  7. Péso
  8. Pajaratan Cinta