Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Lalakon Angka 10

Kénging Godi Suwarna
Dipidangkeun dina lapak 03 Juni 2016 18:14:22

Tos sepuh pisan Anoman téh. Buluna gé sanés bodas deui. Émutanana majeng ka peteng. Pikun. Da èta wé, anjeunna mah sok pabeulit mun nangtoskeun, nu mana panangan kiwa, nu mana sampéanna nu katuhu. Bingungeun. “Bubaaar! Bubaaar!” saurna, upami aya nu ruang-riung di palih kénca. Da nya kitu, mantenna ngéwaeun naker. Dina hiji waktos, anjeunna ujug-ujug gogorowokan. “Bahayaaa! Bahaya latén Dasamukaaa! Latééén! Bahayaaa!” saurna bari tutunjuk kana kaos méngbal budak satepak, nomer 10. Kantenan, urang lembur guyur. Dayeuh riweuh. Réh Dasamuka hirup deui. Cenah pasukan Aléngka harudang deui ti jero kuburanana. Angka 10 dumadak leungit. Tara disarabit-sabit dalah ku sakur bebenjit.Nagara janten harénghéng. Sahèng. Aya musuh mamalihan. Silih tuding. Barang badé saprung-prungeun tararung, ujug-ujug aya warta. “Anoman perlaya! Mékprék apén jeung kanjut sorangan! Da éta téh angka 10! Bahaya latén !” ceuk nu nyanyandak béja. Tingrarénjag. Tingharuleng. Wadiabalad Anoman. Cug-ceg kana batu. “Bahaya lateéén! Latééén!” Tinggorowok. Malékprékan eusi kolor séwang-séwang. *