Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Kalénder Fikmin • 12 Januari 2018 (8 Naskah)


DIUUDAG

Kénging Lia Robby
Dipidangkeun dina lapak 12 Januari 2018 22:20:11

Siet, mobil tukangeun rék nyiap. Rikat setir dikakatuhukeun, ngahalangan.
Diiid diiid. Teu dipaliré.
Siet hiji deui rék nyusul ti kénca. Geuwat mobil dikakéncakeun. Bari gas angger dipolkeun.
Bus ka jalan sajalur. Nu tukang naluturkeun. Rét spion. Nu nuturkeun ngalobaan.
Jeduk, nu tukangeun nabrak. Galéong, ampir ka gawir, da kenca katuhueun téh gawir. Gancang dikatengahkeun deui.
Nu ngudag mingkin teu sabar, beuki nyereg. Mobil beuki mépéd kana gawir. Ditoong, ukur saméteran. Teu jero-jero teuing. Tapi lamun ngusruk ka dinya, teuing kumaha nasib diri. Lain sieun cilaka, tapi gimir ku nu bakal karandapan mun katéwak ku nu ngudag. Tada teuing ruksakna.
Jeduk, galéong ka kenca. Jeduk deui, galéong ka tengah. Siet nu hiji deui mépéd ti kénca. Beuki kadesek. Kesang ngagarajag, jantung ratug.
Jeduk, suruntul kana gawir. Teu kaerém. Sirah ngabanting setir satarikna.
Leng. Dina ranyayna tetempoan jeung kokolébatanana lampu sirine, karérét pamajikan gigireun. Getih maseuhan dadana. Tapi, lain pédah cilaka.

NGABIBITA

Kénging Ilham Fauzan
Dipidangkeun dina lapak 12 Januari 2018 20:56:31

Keur urang lembur Cikadu mah, saha atuh nu teu apal ka Ki Marhali. Kokolot sakti, lébér ku élmu jembar ku pangabisa. Éstu dipiajrih, malah dipikolot pisan ku ampir kabéh pangeusi lembur. Matak teu anéh, mun usum Pilkada siga ayeuna, loba pisan calon nu datang ménta pidunga reujeung dukunganana. Sabab yakin, mun Ki Marhali ngadukung, pasti salembur Cikadu bakal ngilu ngadukung. Samalah aya ogé calon nu ngabibita, pasang rék méré mobil sagala. Ngeun, Ki Marhali teu haripeut ku teuteureuyeun, malah siga nu geus apal, saha nu bakal pimeunangeun.
"Sok nyarios, Aki. Hoyong naon saupami abdi kénging?" ceuk saurang calon, nu harita datang.
"Sanggup kitu?" Ki Marhali malik nanya.
"Sebutkeun wé, Ki. Tong asa-asa! hayang jadi lurah, jadi camat, jadi kepala pasar, atawa jadi kepala dinas. Sok, sebutkeun!"
"Emung kabéh gé, ngaing mah. Hayang gé jadi huntu. Sanggup?" bari nyengir, némbongkeun huntuna nu kari dua deui.

TAJWID

Kénging Dadah Hidayat
Dipidangkeun dina lapak 12 Januari 2018 15:43:44

Dina satengahing hanca, "Euleuh!" Ceuk Idhar pédah asa pangjelasna. Ngeureuyeuh deui nuluykeun maca. Tuluy ngiceupan Ihpa. Laju seuri gagalakgakan. Komo Ihpa mah. Nepi ka nyerieun kulit beuteung.
"Sssttt, Ulah kitu! Uing tempo mah, yeuh! Teu riweuh ku béda. Enya gé béda, tapi sasora, satujuan." Témbal Idgom Mutajanisén.
"Hirup téh kumpulan, euy. Teu bisa dipisah-pisah. Satajwid!"
Beletuk! Aya nu maledog. Keuna pisan kana hulu angen. Nyel. Dongko. Nyekelan beuteung.
"Haduh!"
"Puas! Bongan balangah."
"Rék Idhar, rék Ihpa, angger sarua. Nu jelas, nu ngirung, éta kabéh kakuduan ayana. Nu sipit, nu hideung, nu kasép, nu kumaha waé, lain keur seungseurikeuneun, komo cawadeun mah, lain pisan. Lain kudu dipaséaan. Kabéh gé pada-pada boga tujuan. Da kitu kersaning-Na. Idhar teu kudu agul ku jelasna, Ihpa teu kudu sombong ku dengungna. Kabeh gé sabeungkeut. Keur menerkeun jeung ngagenahkeun."
Kuring kakara engeuh, sabada rérés seueul. Horéng nu malédog téh anjeun, nu hatam.

ENOK SI CÈNDOL BAHÈ

Kénging Ayus P
Dipidangkeun dina lapak 12 Januari 2018 15:33:50

Leng pikiran kumalayang kamangsa nu geus kaliwat, "Percanten wèh atuh kang, Enok mah moal ngijing sila bèngkok sembah. Kacinta Enok salawasna kanggo akang."
Beurat gè tungtungna dianteur ogè pamajikan milu audisi nyanyi dangdut. Tès kahiji lolos, kadua, katilu, nepika antukna pamajikan jadi pinunjul.
Hirup ngadak-ngadak taringgul, euweuh imut, suda usap deudeuh. Enok unggah adat robah kahayang, "Serahkeun...! Naon boga salaki gè kalahka èra, gadag ukur ngabèca, kapamajikan loba ngatur euweuh bukur."
Si Cèndol Bahè, jadi sabiwir hiji, dina tv gitek gèolna matak uruy, matak molotot nu belo, matak kapèngpèongan nu begang.
Manèhna ngeluk, teu lèmèk teu nyarèk nalika di gerebeg pulisi, ceunah kacerek keur kukudaan jeung pengusaha odading bari makè narkoba.
Euweuh deui gorowok Enok "Masih mau digoyang...?"
"Kang, hayu urang netepan isya." Ceuk Nèni pamajikan kuring bari imut. Cetrèk tivi dipareuman.

LATCMERE HOUSE.473

Kénging Achiel Syam
Dipidangkeun dina lapak 12 Januari 2018 13:31:47

“Ampun, juragan! Ampuuun!” Jeritna kaanginkeun ka sisi kebon begonia. “H? h? h?, don’t scare!” Leungeun badagna geus kuat nangkeup, biwirna monyong r?k nyium. Nu ditangkeup tipepereket miceun beungeut, ngalawan ngababukan. Cimata kasieun murubut. Jeritna saukur eu eu eu, kabekep biwir kumisan.
Jedak, krek! Sora doran potong na puhu ceuli. Nu dipeupeuh ngarumpuyuk. Habek! Habek! Doran buntung terus nyehcer. Banjir getih, ngabayabah.

“Teras, Bapa kumaha? Nu ngabandungan panasaran.
“Ngupah-ngap?h Pun Bojo.” Inggrisna lentong asia. Cipanon ngal?mb?r?h.
“Teras?” Nyusulkeun pananya.
“Nya, teras di dieu!” Biwirna ngageter nahan kasedih, kahanjelu nu bakal nalikung saumur-umur.
Nu ngabandungan cengkat nyodorkeun tisu, leungeun k?ncana nepakan pundukna.
“Sabar, Pa! Abdi bakal ngusahakeun ngirangan hukuman. Malah, pami tiasa ngab?baskeun Bapa.”

Peuting saukur ngised detik ka detikna, atra dina sora jarum Big Ben. Kakeueung jadi warna dingding pangb?rokan Latcmere House. Di s?l 473. Saurang tahanan migran ngar?ngkol katirisan, pules salilana. Na ubin, s?sa roti lapis ti juragan istri tinggal dua huapeun.

MITHA

Kénging Asep Rahayu
Dipidangkeun dina lapak 12 Januari 2018 09:01:55

Jam salapan, kuring nepi ka imahna, manéhna geus campego di tepas nungguan. Bari sura-seuri kuring ménta dihampura geus telat.
“Kamana heula atuh Akang téh. Ampir dua jam telatna gé.” Cenah bari camberut.
“Kasiangan gugahna, Mith.” Cek kuring
“Hayu atuh, bilih kabujeng panas.”
Kuring miheulaan ka buruan. Motor buru-buru dislah.
Mitha anjeucleu na pangboncéngan, leungeunna meulit kana cangkéng. Sajajalan pikiran teu leupas ti Rani anu geus ngajak teu uni. Anéh, aya awéwé siga kitu. Meureun kahayangna mah tuluy diajak kawin. Hih! Kuring ngabirigidig.
“Nuju ngémutan naon Kang, meni uleng kitu?”
“Kaémut teu ku Mitha hubungan urang kumaha kapayunna?”
“Maksadna?”
“Naha urang badé kikieuan waé? Asa tos capé Akang mah.”
“Kang, Mitha kuliah kénéh, hoyong lulus heula teras damel. Akang kersa ngantosan?”
“Tos nikah ogé Mitha tiasa neraskeun kuliah, tiasa damel.”
“Tapi moal bébas, pasti katalikung ku aturan. Mitha hoyong ameng kénéh, hoyong cari pengalaman. Mitha can hoyong berkomitmen ayeuna mah.”
Deg!

AW?T RAJ?T

Kénging Sukardi M Noor
Dipidangkeun dina lapak 12 Januari 2018 07:17:44

Hs? ngahijikeun dua sipat anu bda dina rumah tangga. Ngahijikeun dua kahayang ngajadi hiji tujuan. Tong boroning nu karek rumah tangga, dalah nu tos taunan og kadang sok loba nu paburantak.
Rumah tangga Bi Icih jeung Mang Dudi anu teu welh mindeng papasaan. Basa maca SMS dina HP pamajikanna. "Nyi diantosan di pngkolan" Ngagedeg amarahna. Leungeuna meureup tipepereket. Matana beureum. "Paingan mideng ka kota, paribasa balanja" Gerentena. Sok ngiriditkeun manjangkeun duit, pokna.
Teu lila jol Bi Icih datang , tos ti warung. Mang Dudi langsung ngambek. "Icih manh geus wani salingkuh nya?" Ngomongna bedas. "Naon ari akang nuding salingkuh sagala teu rumasa abdi mah Kang" Tembal Bi Icih halon. Laju ka dapur rk masak.
Muru ka dapur bari mawa ka ambek. Napsuna can kedal. Nepi ka dapur panci gigireun pamajikanna ditajong. Golomrang. Rt gigireuna aya mber. Sukuna geus ngangkang rk ditajong. Geuwat ku Bi Icih mber di jeuwang. "Tong ditajong ieu mah mber tatangga!" Pokna Bi Icih. "Mana deui tajongeun aing" Ceuk Mang Dudi. Dug....! Sukuna najong meja kompor. Ngagoak. Aduh......! Ajrt-ajrtan. Gubrag.
.

PAPANGGIHAN

Kénging Mamal J
Dipidangkeun dina lapak 12 Januari 2018 04:30:11

Atét katelahna. Buuk hideung badis sayang otét. Baju ngaléhléh leungiteun kancing cetét, cenah tikait basa mulung siki karét.
Arit jeung jukut pacabakan matuh, mileuleuheungkeun Si Kukut teureuh Garut. Geus tilu taun suhud, ngingu domba nu Mang Sahud.
Atét mah getén, kitu ceuk nu nitén. Domba diangon, dimandian sisi Pamanggon. Aya ciliang lima deupa, tempat ngamarandian domba.
Wanci soré nu lugina, Atét mulang dituturkeun inguanana. Muru kandang nu ngadangong, padumukan tempat ngéndong.
"Tét, geura dahar!" Indung nyauran sonagar. Bau sangu ngebul, direumbeuyan taleus kimpul.
"Keudeung, Ma. Dombana can meta!" Atét nulak panto kandang. Leumpang ngagandeuang.
Isukna rebun-rebun, Atét ngeprakan ciibun. Muru tegalan di sampalan, ngarit jukut sakedapan. Keur jongjon dodongkoan, panon nempo buntelan. Rék dibuka loba kasieun. Panasaran, laju disampeurkeun. Teu kebat ku bau biuk. Aya waruga ngajoprak teu matut. Ras inget, saminggu ka tukang, aya bégal ngahiang. Leungit di nu bala tas ngarampog imah bandar domba.