Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Kalénder Fikmin • 02 Novémber 2011 (47 Naskah)


FIKSI ALIT

Kénging Windu Mandela
Dipidangkeun dina lapak 02 Novémber 2011 23:58:34

MANGGIH HP

"din ker naon maneh" Madun nepak punduk si Udin, "naon eta nu disumputkeun?" tuluyna, soalna si Udin ngodok wae pesak. "euuu,, tapi tong bebeja ka sasaha nyah. . . ." culang cileung "uing manggihan HP mad, siga na nubogana teh awewe" nemongkeun HP. "cik uing ningali" Madun ngarebut HP na, tuluy dibukaan Potona. "naha aya poto urang Sumedang gening? nya nu saha din yeu HP? di mana maneh manggihanna?" Madun curiga, boa-boa eta HP meunag maling. "uing nyokot kutang widadari nu ker mandi, pek teh aya HP an" si Udin bari cungar-cengir.

Sumedang,

FIKSI ALIT

Kénging Windu Mandela
Dipidangkeun dina lapak 02 Novémber 2011 22:37:58

eleh saembara

Si Udin ker ngalamun di warung ma Wati, kelepus kelepuss manehna udud, tapi tina sorot panonna siga nu keur keuheul tea. Ma Wati nu boga warung nanya, "nya kunaon din siga nu bingung wae". Si Udin ngorejat, sigana reuwas pisan, "ah henteu ma" nyokot udud nu murag "ngan eleh saembara we" nuluykeun ududna. Geus atuh Din tong dipikiran teing, kudu bisa ngukur diri, nu pantes jadi pinunjul mah da kudu nu kasep jeung pinter, meh sarasi pan" ngusapan punduk si Udin. "heeuh kadinya namah leres pisan ma, sugan we ah aya saembara dei, engke mah ek direbonding hela meh teu galing, meh tiasa jalan sareng neng Endit" kelepus kelepus udud bari ngusapan dada.

Sumedang

DEUDEUH

Kénging Mang Jamal
Dipidangkeun dina lapak 02 Novémber 2011 22:33:57

Wayahna sing saregut dalahar teh supaya awak ngalintuhan. Ulah ulin kamalinaan komo huhujanan bisi gering jeung sing galumbira nepi ka waktuna datang. Enya ke poe minggu 6 november tea. Tong salempang, tong ningnang. Sing berag sing bagja.
Salam deudeuh,
Panitia qurban

KALEMAHAN

Kénging Maman Damiri
Dipidangkeun dina lapak 02 Novémber 2011 22:20:16

Saweduk-wedukna Bima tetep boga kalemahan tangtu manehna moal bisa ngorong da pasti rogok ku kuku pancanaka , kitu deui sagagah-gagahna Gatotgaca pasti mun sare moal bisa nangkarak .

MAHIWAL

Kénging Asep Ruhimat
Dipidangkeun dina lapak 02 Novémber 2011 22:08:36

"Hidep garaduh cita-cita, hoyong janten naon?" cek guru."Gaduuhhh..." pokna, saur manuk. Lolobana murid ngajawab dokter, arsitek, jeung tentara. "Ari Muhdin hoyong janten naon?" ditanya dumeh kareret cungar-cengir wae. "Abdi mah hoyong janten bendahara partey, Bu," cenah. Guru kaget, panasaran, "Naha asa beda ti babaturan hidep?" Muhdin ngawalon, kalem, "Pan engke ngadamel rupi-rupi yayasan kanggo nandean dana hibah...."

PANGANTEN ANYAR

Kénging Igun Gunawan
Dipidangkeun dina lapak 02 Novémber 2011 21:49:30

Peuting harita ngadadak pareum listrik, Idjah nu kakara diistrenan jadi pamajikan Darmu, nyeungeut lilin dikamarna, brug nutupkeun kamarna. Ditengah imah nu nyanghareupan kamar panganten, mitohana uplek ngobrol.
Obrolan maranéhna teu kebat sabab tijero kamar kadéngé sora nu sing gereneng.
“Kang meni ucas acos kitu,”
“Atuh da leutik nyi liangna geningan,”
“Cing ku nyai urang lamot heula méh rada nyuncung,”
“Nya hok atuh, sugan bisa asup”
Jempling, teu sawatara lila kadéngé deui.
“Tuh nya asup kang, ati-ati kang nojosna bilih getihan,”
“Moal kalem, tos pengalaman da …”
“Hush”
Jempling. Aya kana lima belas menit ngolotrak duanana muka panto, nu ditengah imah ting colohok.
“Har, naha geuning masih keneh make pakean pangantén, can digaranti baju kitu??”

MATAPOE

Kénging Nanang Sahbana Afnani
Dipidangkeun dina lapak 02 Novémber 2011 21:43:43

Peuting anggeur ngabetem tapi leungeuna beuki pageuh nangkeup angin "eta lalakon anjeun kapayun " najan halon sorana tandes.Peuting kasampak ukur ngarenghap bari neuteup matapoe di langit kahemanna keur adu hareupan marebutkeun beurang.

TEUING2

Kénging Gustav Robert Kirchhoff
Dipidangkeun dina lapak 02 Novémber 2011 20:46:54

"Syafakallah syifaan ajilan, syifaan layughadiru ba'dahu saqaman." Biwir di antelkeun kana tungtung gelas eusi cihérang. Cihujan masih ngalempréh, awakna pohara panas. Baladna pating kaletrok kana suhunan imah, narangkél na tungtung dangdaunan. Silih teuteup bangun geugeut. Pon kitu Kuring. Ramo-ramo leungeun teu karasa ngusap tarangna nurenung ku cikésang. Euis muru kuring, bari nunda cikopi luhur méja. Cileuncang palid kajauhna, teuing kamendi

KADUHUNG

Kénging Bening Selaksahati
Dipidangkeun dina lapak 02 Novémber 2011 20:41:44

poe rebo pasosore langit lenglang , kuring indit moro toko buku , sanggeus nepi gek diuk dina korsi nu geus di sadiakeun bari nitenan sababaraha buku , aya hiji buku nu narik ati , teu poho ku kuring dipariksa jeung dibaca heula , bakat ku anteng teu kanyahoan digiireun aya hiji lalaki tengah tuwuh kasep pisan , buukna geus paselang jeung huis matak nyari katinggalna , teuing kumaha mimitina kuring nyambung ngobrol jeung manehna , singkat carita kuring balik rek dianterkeun , tapi basa kuring nanya impian wanoja nu jadi implenganana nu kumaha , manehna ngajawab ..... anu gendut jeung jangkung badag , reketek hate murengked ras kadiri nu jangkung leutik semu ipis , dina hate ngagerentes kaduhung teu gendut ti baheula meureun moal ngarasa ditundung sanajan dianteur mulang heu heu.

GEBLUG KADU

Kénging Ratna Utamie
Dipidangkeun dina lapak 02 Novémber 2011 20:36:29

Yeuh kang,nyai mah teu hariwang sanaos tos teu kaangge ku akang..!! Moal matak buntu laku kang...!! Tuh aa rapi oge tiasa kapengpeonganku teteh yuyun...teu singna karacunan ku milk expired geuning...jagjag we..Nyai ge ayeuna nuju indent nu sapertos aa Adly...!!*
Pletak..! senaaaal euntreup na tarang.

KASONO NU DATANG DEUI

Kénging Bhatara Khresna
Dipidangkeun dina lapak 02 Novémber 2011 19:11:25

Ba'da 'Isya mulang ti masigit, kuring diuk di ruang tamu, aya nu beda karasana, heueuh beda ti sasari, ayeuna mah manehna bet someah darehdeh, henteu jebras-jebris, henteu baluar-balieur, paroman sinis nu aya kana opat mingguna teh, ayeuna geus indit, ilang musnah, diganti ku budi nu nyari nu matak narik kana ati. "Gep !" leungeun manehna ku kuring di ranggeum, karasa ku kuring manehna malik ngaranggeum pageuh, ranggeuman nu pinuh ku kageugeut, "Teup !" kuring paadu teuteup, teu kebat da manehna kalah ka ngeluk tungkul semu nu teu paruguh, rada lila kuring jeung manehna pabetem-betem, ukur leungeun nu silih ranggeum silih rames, silih kenyedkeun rasa kadeueuh, "Serrr !" aya rasa nu beda nu ngagaleser kana urat-urat geutih awor pagaliwota nepi kana jero dada, dag-dig-dug jajantung ratug tutunggulan nahan galurana rasa nu geus hayang mudal nu salila ieu ditatahan, "Hapunten abdi kang ! salami ieu abdi tos awon panyangki, geuningan akang teh type caroge nu satia". Ceuk manehna bari metot leungeun kuring ngajak asup ka jero kamar.

FIKMIN GRAFIS

Kénging Inda Nugraha Hidayat
Dipidangkeun dina lapak 02 Novémber 2011 19:07:06

Nyekar

NYAMOS

Kénging Ahmad Fawzy Imron
Dipidangkeun dina lapak 02 Novémber 2011 18:36:35

Jam opat sonten dongkap ka pameran teh. Tos teu kabujeng nanaon. Mung kopi, teh manis, calacah djisamsoe nu tiasa kacabak. Lektop, android miwah sapuluh lembar artos saratus rebuan mah, tos aya nu mesakkan.
"komo akang, jang haji!. Teu beubeunangan pisan. Opat jam ngalelentuk di jatinangor. Ari batur keur raramean di dipati ukur" saur hiji kasepuhan ti cisurupan.

TEUING

Kénging Gustav Robert Kirchhoff
Dipidangkeun dina lapak 02 Novémber 2011 17:43:38

"Kuring Hujan" Ceuk sora cai, bari nangkeup pageuh kana awak Kuring "Rék ngadon ngiuhan dina awak Anjeun. Teu kuat ieu awak diaradu kana batu, nepika balencarna balad Kuring. Diabringkeun ti langit sina muru lemah, diabringkeun deui kawahangan muru basisir laut mana boa. Sumputkeun Kuring Kang..." Sorana haroshos, biwirna geunteul bati kabulusan. Nepika ka imah, Cihujan disarékeun dina dipan, disimbutan kaén ipis. Bet jorojoy rasa deudeuh ka Manéhna. Rasa nugeus heubeul ilang dina haté kuring. Tapi Euis geus leuwih tiheula cicing didieu. luhur dipan panineungan.

NAHEUNAN SIRARU

Kénging Endang Kasupardi Ti Cisurupan
Dipidangkeun dina lapak 02 Novémber 2011 17:19:31

. Anjingna mimiti kaluar. Daun cau gancang di tengkor. Sisi liangna dilegokkeun. Rub ditutup. Nu ngorosak mimiti kadenge. Kapinis mimiti rabeng nyabetan nu moncor ngarapung. Hate rada bungangan. Engke peuting bakal dahar jeung nu gurih.

PRETT

Kénging Heni Sumarni
Dipidangkeun dina lapak 02 Novémber 2011 17:07:11

pasangn tengah tuwuh diuk pagegeye na angkot tepak toel,suka seuri. nu awewe rada ogo, nu lalaki teu reureuh ngoconan. mesra mun ceuk jalema mah!
'' nyaho uing ge pasti eta teh lain salaki pamajikan''
Gejlig! kuring turun tina angkot bari jebi.

JA LEULEU JA

Kénging Ya Soebarta
Dipidangkeun dina lapak 02 Novémber 2011 16:48:42

Mapay mapay seuneu, haté rabul silalatu.

HUJAN

Kénging Irvan Mulyadie Bersabda
Dipidangkeun dina lapak 02 Novémber 2011 16:48:23

Aya anjing, ngadangong di pipir imah tatangga. Ngiuhan na handapeun kandang hayam. Uing ningali, panonna keur rambay ku cimata. Lain baseuh ku ci hujan. Teu jauh ti manehna, aya tulang pabalatak. Sesa-sesa awak indungna nu dibeuleum tadi peuting, direcah: balakecrakan....!!!

KAHAYANG

Kénging Mochiqq Iqbal
Dipidangkeun dina lapak 02 Novémber 2011 14:50:15

hirup dina kaayaan nu teu dipika hayang. Kur d tunyuk ku curuk batur, tunyuk ka kénca kudu di turut. Tunyuk ka katuhu kudu d laksanakeun. Mun teu nurut uing moal dahar. Kapaksa anu teu pernah iklas jeung kahayang diri. Ku hayang uing jiga batur. Da moal aya nu hayangeun jiga uing.

JAJATÉN

Kénging Dadang Soekanda
Dipidangkeun dina lapak 02 Novémber 2011 14:17:04

Aki Minta gedé haté wani ngalayanan panangtang incuna, Jang Komar.
Najan Jang Komar balik ulin ti Sukabumi réréhan kidul, katambah boga ubar anu mujarab.
Aki Minta teu gimir. Yakin kana kabogana. Pingping weuteuh.

KAHARIWANG

Kénging Bhatara Khresna
Dipidangkeun dina lapak 02 Novémber 2011 14:02:27

"Gejlig !" .. "Gejlig !" kadenge sora lengkah ngadeukeutan, lengkah nu matak ngeundeurkeun jajantung, rasa keueung, rasa hariwang, gumulung dina kalbu nu kebek ku kabingung nu teu manggih tungtung, ingetan rus-ras ka mangsa-mangsa kuring milampah laku nirca, hate kumejot hayang mulang bari ngabebenah sagala laku nu geus dipilampah, "rieg!" taneuh ngarieg, sora lengkah beuki lila beuki deukeut, "Teu salah ukur duaan nu datang teh, teu loba, tapi naha lengkahna ngeundeurkeun lemah lir linina gunung bitu.... saha atuh maranehna teh ?". hate terus noroweco, kakeueung beuki ngeukeupan rarasaan, kahariwang beuki ngaganggayong pipikiran, kaayaan poek mongkleng, karasa lemah beuki lila beuki nyedekkeun awak nu ngajolopong teu walakaya, awak karasa asa digencet, hese rek usik, "Man Robbuka ?". Ceuk sora nu handaruan kadengena matak katorekan, kuring ukur ngabetem teu manggih jawaban, "Hiuk" karasa aya angin nu ngahiuk neumbag kana awak "Jebrod..!". "Aduhh ! tobaaat ampun !" jerit kuring bari ngararasakeun awak nu asa remuk teu manggapulia, acan ilang rasa kanyeri, geus kadenge deui aya sora, "Bapana geura hudang ! ...geura ka cai ! itu dimasigit geus adzan shubuh ".

SIRARU

Kénging Endang Kasupardi Ti Cisurupan
Dipidangkeun dina lapak 02 Novémber 2011 13:50:51

Hujan geus rada cangra. Liang-liang nu utek-utekan mimiti di koreh. Sugan isuk bisa ngawajit.

ODAH DZEKOVANIA

Kénging Gustav Robert Kirchhoff
Dipidangkeun dina lapak 02 Novémber 2011 13:34:07

Odah, Kaifa Haluk? Lawas Urang teu tepang jero Masigit... Usum hujan Imriti paralid. Di Nadomkeun bareng jeung guludug, Hawar-hawar Ratapala talakbir saluareun Arofah.

TEU NYÉSA

Kénging Cicara Cac
Dipidangkeun dina lapak 02 Novémber 2011 13:22:05

Waktu Cakra ngabelesat meulah langit Kurusétra.
Kurawa dempak taya nu nyésa.

LUHUR KORSI

Kénging Sandi Qming
Dipidangkeun dina lapak 02 Novémber 2011 12:56:13

Lebah lahunan, aya tuur tiaradu.

BALE RUMAWAT

Kénging Uzanx Boam
Dipidangkeun dina lapak 02 Novémber 2011 12:22:56

poe ieu bale rumawat rek diruwat,bangku-bangku sina baris bari ngokang payung,daun-daun diseuseuhan nepi ka seungit,pon kitu tehel-tehel mah dilicinan.
Saha bentangna?,ceuk kenteng nanya kana plapon.
Plapon keur diajar nangtung ngajawab ku sorana nu cadel
"ilaing mah euy,tingaleun inpo pican,pan bentangna teh didatangkeun ti arab"..najan keur naek haji ge didudut ku pupuhu unpad

SAHA

Kénging Yusran Arifin
Dipidangkeun dina lapak 02 Novémber 2011 12:12:04

Kuring Izroil, ceuk bedil poporongos. Kuring Malik, ceuk Roko nu nyelebung. Kuring Ridwan, Ceuk Es teler ngagelenyu. Ari kuring saha? ceuk Fikmin nu ngabakikang dina tarang. Mat Don teu nembalan. Sanajan unggal usik ngagalentoran.

HUJAN

Kénging Inda Nugraha Hidayat
Dipidangkeun dina lapak 02 Novémber 2011 12:08:58

Tumbak binang teu kabilang, nu murubut tadi isuk, geus nyaremkeun sumanget pikeun ngudag kalangkang heulang nu ngencar teuing ka mendi.

GUSTI

Kénging Yusran Arifin
Dipidangkeun dina lapak 02 Novémber 2011 10:43:52

Saha ari Anjeun? "Aing Pangeran! " ceuk duit bari ngabaheuhay. Bari ngepluk udud. Manglaksa jalma geus beak diududan.

BAPA

Kénging Tatang Supriadi Art
Dipidangkeun dina lapak 02 Novémber 2011 10:39:06

ngorenjat kahudangkeun ku sora ombak nu tingjelegur sisi kamar.sora jam geus tutunjuk kana tengah peuting.cetrek ngahurungkeun lampu."Gusti panto can keneh di tutupan."ruratreret saeusi imah,taya nu robah.sirah karasa lalendeng,di luar dina bangku nu biasa di pake tempat ngopi.kadenge aya nu nyarita,"iraha urang tepang deui?"gebeg teh hate nyeblak.dedeganna mah asa wawuh asa teu bireuk deui."bapa?"ceuk kuring.gek diuk sisi basisir,teu lila.sora nu tadi nyarita ngadeukeutan bari ngaharewos"didieu sujang di basisir ieu,urang baheula sok balakecrakan jeung Adi jeung indung maneh".Bapa"ieu teh bapa"kuring ngayakinkeun diri sorangn.
"pa.rasa asih ulah sampe ka robih janten peurih,sanaos teu sapagodos,asih mah urang pupusti dugi ka muguran ku jaman".sora ombak lir ngendag-ngendagkeun jajantung.teungah peuting di ayun ambing ku hiliwirna angin laut kidul.gebeg punduk aya nu nepak"keur naon maneh ujang nyorangan sisi basisir"Astagfirlloh..ari tadi saha?pan bapamah tos mulih ka Asal.basa parahuna tilem.

KATIPENG

Kénging D'senokz Bengkok'z
Dipidangkeun dina lapak 02 Novémber 2011 10:30:15

Pas keur ulin nganyang ka imah nini anu imahna ngaliwatan kebon awi jeng bapak kuring,dijalan ngbrol ka kaler ka kidul,ari pek keur khusu-khusu na,c.bpk nunjuk ka luhur beja teh ay manuk anis,boro mah luak lieuk kana kebon awi bari mata bunclik kaluhur,ger teh gebros kuring dihareupeun nincak tai muning.....,tega anak sorangan diranjau

PETÉTAN

Kénging Abi Cepian Ibn Al-khairi
Dipidangkeun dina lapak 02 Novémber 2011 10:19:27

Sisikian gararing, kolotna teu kapalang. Katebak angin tingkalayang. Disemaykeun di pasir-pasir. Sawaréh areunteup dina gawir lamping, nyarempil dina catang. Dicébor hujan ting pelentung.

PARFUM

Kénging Nanang Sahbana Afnani
Dipidangkeun dina lapak 02 Novémber 2011 09:44:55

Mobil jazz katingali ngabelesat di jalan Cipularang,jiga geus teu malire licinna jalan tapak hujan."Naon sih..kaleuwihan ti manehna nepi salaki uing kapengpeongan " gerentes hate Anna harita,bari luad liud ngulinkeun stir.Kaangseu deui Parfum nu aya dina baju salakina ngahiliwir nyambuang kana irungna teh lain parfum nu sok biasa dipake ku salakina."Pasti lain awewe samanea " hate Anna noroweco teu karasa cimatana bedah dipirig cihujan nu maturan sapanjang jalan tol.

BINGUNG

Kénging Kyai Matdon
Dipidangkeun dina lapak 02 Novémber 2011 09:37:58

Nyai Endit subuh keneh geus make kabaya alus anyar ngiridit. atuh Toni Lesmana oge keur sibuk make dasi, ari Is Tuning masih riweuh neangan sapatu. kang Ahmad Yani@Yusran Arifin jeung nu sejena, oge sibuk pisan.

siap siap cenah rek narima lektop hadiah saembara fikmin sunda.
kuring mah kalem we, da yakin pisan atuh...

BANDAR ENTOG

Kénging Maman Damiri
Dipidangkeun dina lapak 02 Novémber 2011 09:28:36

Sanaos abdi kasebat bandar entog kurban mah tetep kedah ku sapi ,kebo atanapi domba .

ISABELLA

Kénging Aris Supena
Dipidangkeun dina lapak 02 Novémber 2011 08:56:06

Ti wayah ISA nepi ka wayah kiwari ngagutrut, teu sare, ngaBELLAan fikmin.

KALANGSU

Kénging Cicara Cac
Dipidangkeun dina lapak 02 Novémber 2011 08:29:39

Aya kana sa jamna nungguan kukumbul téh, tapi weléh Jaér jeung Lélé kur ngelétan,
Sepat jeung Tawés kur tingkecewis bari ngaléndéan.
Selang selang parahu meulah walungan, ngéplokeun cai, ngagareuwahkeun nu keur
nundutan.
“ Dasar Lauk Edan !!”, pokna bangun aral.
Dadak sakala Langit angkeub, kingkilaban ting burinyay meulah langit nu ceudeum haleungheum.
Séi Nagara nu lega kacida ngagolak, caina léb léban ngaluhuran, ngaleuwihan pucuk pucuk kiray nu ngajajar di sisi sisina. Ngaguruhna sora, lir Galunggung nuju bendu.
cai nu ngagolak, nérékél kana bitis, kana dada, kana sirah, laput , poék mongkléng, manéhna roroésan néangan pamuntangan.

TUKANG DODOL

Kénging Jejen Jaelani War
Dipidangkeun dina lapak 02 Novémber 2011 07:53:40

basa ngahuapkeun es cendol di pasar senggol, aya nu ngalangkung imbitna teu sirikna keplok cendol, ningal ka lebah dadana naha bet teu ngajendol, ana disidik-sidik, jadol...horeng nu dagang dodol

FIKMIN

Kénging Yayan 'Bedog' Supriatna
Dipidangkeun dina lapak 02 Novémber 2011 07:28:16

Sapeupeuteuting teu bisa saré.
"Dinten ieu mah badé nganggé rok nu rada landung, pupur, sédow,lipen badé rada diipisan, isin ku juragan réktor Aa Ganjar Kurnia. Nanging ari anggoan mah tetep nu ketat rapet kana awak nyitak imbit sareng pinareup nu ageung. Nu haladir tantos baris karumétap komo Kakang Prabu Godi Suwarna mah" gerentes Néng Mini nu baris digalununtrengkeun di Balé Sanusi dinten ieu.

NGALAMUN

Kénging Jejen Jaelani War
Dipidangkeun dina lapak 02 Novémber 2011 07:21:03

"Wengi engke lebah sela-sela cihujan, ku hoyong tepak toel sareng salira dugi ka wanci sumirat balebat bari guntreng naon hartosna hirup sareng kahirupan, jalaran dua hate nu tos ngahiji mangrupi catetan dina ranggeuyan lalampahan pikeun muru kahirupan nu sajati...." gerentesna bari neuteup ka jauhna.

LEUNGITEUN

Kénging Endang Kasupardi Ti Cisurupan
Dipidangkeun dina lapak 02 Novémber 2011 07:17:54

. Ti saprak harita masihan gambar. Salira aya dimana

NU NGAGANTUNG MANEH

Kénging Heni Sumarni
Dipidangkeun dina lapak 02 Novémber 2011 07:06:04

Da sidik tadi teh ngaran manehna di umumkeun maot! Kapan sakitu nongtorengna na spiker masigit landeuh?, tapi mana mayitna? Ning ngan aya pamajikanna wungkul keur nyegruk jeung anak anakna tinghariul. Nu ngalayad mimitina mah silih reret, tuluy silih toel, ahirna mah tingkolesed, mireungeuh sapasang suku nu masih keneh rambay na lawang para.

SANGKALA

Kénging Ganjar Kurnia
Dipidangkeun dina lapak 02 Novémber 2011 06:20:21

Sora tarompét ngalanglaeu maratan jagat. Eusining bumi nu asa dipépéndé ku rasa kelar, sing raringeuh, tuluy silih tanya :” tarompét ti mana jeung aya naon?” . Sora tarompét eureun sakedapan. Ti jauhna, kadéngé aya anu ngajawab halon: ” para sadérék sadaya, ngawanohkeun, wasta pribados pun Isrofil, padamelan Malaikat, ayeuna seja masihan warta, kiyamah téh dinten ieu ciosna”

HARGA TARAJÉ

Kénging Ya Soebarta
Dipidangkeun dina lapak 02 Novémber 2011 05:52:42

Kungsi tilu welas taun satengah uing naékan tarajé. Sanajan ngimpi mah hayang tuluy tétérékél, dalah dikumaha harga tarajé geus teu kahontal. Ayeuna uing cicing di leuweung luwang liwung, awak diringkus teu walakaya, dibakutet areuy nu euweuh pangampura. Puguh mah uing euweuh biwiran, leungeun gé ugel-ugelan euweuh ramoan. Cik atuh da haté mah ngageremet. Basa leuir janari leutik, uing nampa béja ceunah uing dipéhaka, coba dék kumaha ceta…??. Tapak tarajé ku uing dirurudan, dék dibikeun ka para inohong, sugan meunang warisan jang dalahar anak pamajikan. Tapi geuning ieu téh asa ngangkleung na jero parahu, piraku ngagujubarkeun manéh mah. Sidik da ieu téh di kota, tuh geuning aya buta nyampeurkeun..!. "Hirup di dieu mah kudu buringas adi, mun teu jadi maung moal dahar…!!".

SATIA

Kénging Yusran Arifin
Dipidangkeun dina lapak 02 Novémber 2011 00:50:56

Mah! Mah! Salaki ngagentraan. Sakedap, Kang! Abdi nuju salat. Pameng sa rakaat deui. kuring ngagorowok.

PANTI WREDA

Kénging Jejen Jaelani War
Dipidangkeun dina lapak 02 Novémber 2011 00:22:36

Nya didinya, aya kasenangan mungkus raga nu geus lalungse alatan diburak-barik ku galura nu ngabebela, roman nembongkeun kaguligah dina gurat rerempo, jumarijeug jiwa nungtun raga

SABOTASE

Kénging Nyai Endit
Dipidangkeun dina lapak 02 Novémber 2011 00:00:28

Sapatu kaca geus disumputkeun. Kusir delman unggeuk sanggeus dikeupeulan duit nu teu saeutik. Peuting ieu jeung kahareupna moal aya deui carita sinderela, wayahna.