Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."


Saémbara Manuskrip FBS 2017

Bagikan ka Lapak Facebook
FBS
SN1485156241.jpg [Gambar/Ilustrasi: Girang Pameta]

Susunan eusi manuskrip:

1. Judul buku (ngaran pangarang teu kudu ditulis)
2. Daftar eusi (judul-judul fikmin, dibéréndélkeun ka handap maké nomer saluyu jeung susunan fikmin nu jadi eusi manuskrip)
3. Panganteur ti pangarang, minimal 400 kecap. Judulna bébas, eusina, di antarana, ngeunaan pangalaman dina ngarang fiksimini jeung naon nu jadi harepan pangarang tumali jeung medalna ieu buku fikmin. Teu kudu maké ngaran pangarang. 
4. Fiksimini (sakaca dua fikmin. Nu ditulis ukur judul jeung fikminna, ditambah titimangsa dipidangkeunana fikmin dina lapak FBS. Teu meunang maké ngaran pangarang, jeung teu kudu maké format nanaon)
5. Biodata Pangarang (ditulis dina kaca pamungkas kalayan daria)

Sababaraha katangtuan:

1. Nu bisa jadi pamilon ieu saémbara nyaéta sakumna anggota lapak Fikmin Basa Sunda (FBS) kaasup Jagabaya, iwal ti Girang Pameta, Kuncén jeung Déwan Syuro FBS. 
2. Fikmin nu jadi eusi manuskrip saluyu jeung papagon di lapak FBS, nyaéta minimal 100 kecap, maksimal 150 kecap. 
3. Fikmin nu jadi eusi manuskrip kudu nu geus dipidangkeun dina lapak FBS. Titimangsa dipidangkeunana fikmin dina lapak FBS ditulis handapeun fikminna.
4. Ules fikmin bébas. Bisa romantis, horor, humor, religi, jeung sajabana. Teu kudu sawanda, bisa rupa-rupa jejer. 
5. Sakur fikmin can kungsi diterbitkeun jadi buku.
6. Fikmin karya asli pangarang, lain saduran atawa meunang niron tina karya nu lian.
7. Fikmin jeung panganteurna teu meunang nyigeung unsur SARA. 
8. Fikmin jeung panganteur katut biodata pangarang ditulis maké huruf (font) Times New Roman ukuran 12, anggangna sa-spasi. Antara judul jeung eusi anggangna 2 spasi, huruf pikeun judul ukuran 14.
9. Judul manuskrip bébas, nu penting bisa narik ati nu maca.
10. Ukuran keretas A4. 
11. Angka halaman (kaca) ditulis di juru handap beulah katuhu saban kaca.
12. Saban pamilon ukur bisa ngirimkeun sajudul manuskrip.
13. Manuskrip teu kudu maké kaver (jilid) nu diréka-réka. Cukup wé judul wungkul.
14. Manuskrip nu dikirimkeun ka Panata Calagara (panitia) mangrupa print-out nu geus dijilid rapih, réana saéksemplar (sajilid). Ditambah CD nu eusina file manuskrip dina format Microsoft Word. 
15. Manuskrip katut CD-na dikirim via pos atawa pakét, atawa dikirim langsung ka:

Sekretariat FBS, 
d.a. Ibnu Ruman Center
Jl. Kalijati Raya No. 16
Antapani, Bandung.

Dina amplopna ditulis “Saémbara Manuskrip FBS 2017”.

Waktu saémbara

1. Pikeun tatahar, pamilon boga waktu ti mimiti ieu béwara diumumkeun tepi ka ditutupna waktu pikeun ngirimkeun manuskrip.
2. Waktu pikeun ngirimkeun manuskrip ka panata calagara salila Bulan Juni 2017.
3. Waktu pikeun Girang Pangajén (juri) ngajén sakur manuskrip salila dua bulan (Bulan Juni jeung Juli 2017)
4. Béwara 10 nomine diumumkeun dina minggu kahiji Agustus 2017.
5. Béwara pinunjul diumumkeun dina minggu kadua Agustus 2017.
6. Loncing buku pinunjul dina acara Milangkala FBS, bulan Séptémber 2017, sakalian masrahkeun hadiah pikeun para pinunjul.

Girang Pangajén 
1. Girang Pangajén aya tiluan, ti kalangan sastrawan, akademisi, jeung kritikus sastra Sunda. 
2. Girang Pangajén ngajén sakur manuskrip kalayan nétral, indepénden. Ngaran pamilon dirusiahkeun. Sakur manuskrip pamilon nu dipasrahkeun ka Girang Pangajén teu nyantumkeun ngaran pamilonna. 
3. Putusan Girang Pangajén mutlak teu bisa diganggu gugat.

Hadiah
1. Pinunjul 1 baris dilélér layang pangajén, trofi FBS, jeung duit Rp 5.000.000. 
2. Pinunjul 2 baris dilélér layang pangajén, trofi FBS, jeung duit Rp 3.000.000.
3. Pinunjul 3 baris dilélér layang pangajén, trofi FBS, jeung duit Rp 2.000.000.
4. Pinunjul 1, pinunjul 2, jeung pinunjul 3 bukuna baris diterbitkeun ku FBS
5. 10 manuskrip petingan (nu asup nomine) baris dilélér layang pangajén. 
6. Pajak hadiah dibayar ku para pinunjul.

Nu lianna
1. Pikeun pinunjul 1, pinunjul 2, pinunjul 3, hak nerbitkeun jeung ngokolakeun bukuna aya di FBS, kalayan hak cipta angger aya di pangarangna. Hadiah geus kaasup royalti penerbitan buku. 
2. Buku pinunjul ieu saémbara diupayakeun bisa sumebar ka perpustakaan umum. 
3. Bati (laba) tina ngajual buku pinunjul diajangkeun pikeun Leuit FBS.
4. Pangarang baris meunang tambahan royalti nu gedéna 10 persén tina harega jual buku, diitung per éksemplar sanggeus buku kajual maksimal 500 éksemplar. 
5. Pamilon saémbara nu séjénna, nu teu asup pinunjul, bisa nerbitkeun bukuna ku sorangan. 

Januari 2017 
Panata Calagara

Kintunkeun Koméntar

Ngaran
Alamat email
Alamat Web
Koméntar
Tulis Kode: