Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."


Rupaning Fikmin

Dadan Sutisna | Ahad, 27 Januari 2013 08:54
Bagikan ka Lapak Facebook

Sajeroning ngeureuyeuh macaan deui naskah Fikmin nu dikintun ku kanca FBS, bet jorojoy hayang nyieun heula catetan. Aya sababaraha catetan: kahiji nu ditujukeun ka pangarangna, catetan keur balaréa, para kanca FBS, jeung catetan keur masing-masing naskah fikmin. Tina 8.000-an (dalapan rébuan) naskah Fikmin nu dihanca dibaca, sawaréh aya nu diédit, boh eusina, boh éjahanana, kalayan udagan pikeun méré conto ka pangarang dina nulis fikmin ka hareupna. Engké baris diémbarkeun saha-saha baé nu naskahna diédit.

Keur catetan awal, bet asa hayang milah, tina sakitu naskah nu dibaca téh jadi sababaraha gundukan.

 

Fikmin Cakakak

Ieu fikmin eusina—boh ngahaja boh teu ngahaja—ngajak nu maca pikeun seuri. Engkéna mah meureun rupa-rupa éksprési nu maca téh: aya nu ngagakgak, nu imut, nu ngarenyu, nu nyéréngéh, atawa tampolana kalah baeud. Teu kurang-kurang Fikmin Cakakak beunang ngaropéa nu geus nyampak, atawa ngagulanggapér deui “heureuy publik” nu tos papada terang. Di panon tukang maca, nu gawéna “ngagayem” buku jeung kecap, tangtu bakal bisa ngabédakeun nu mana heureuy orisilil (nu seger jeung anyar), jeung heureuy nu méméhna geus ditulis ku pangarang séjén. Badé mikmin cakakak? Mangga, nangging, tong hilap orisinalitasna.

 

Fikmin Warta

Karya sastra, saéstuna moal luntur ku waktu moal laas ku jaman. Dibaca ayeuna ni’mat, atuh mun dibaca mangsa nu bakal datang, beuki ni’mat. Nya ieu nu ngabédakeun sastra jeung warta téh. Mun aya sastra bahanna tina warta, nya kudu diracik deui nepi ka mawa diménsi séjén keur mangsa nu bakal datang. Fikmin nu eusina warta sajongjongan, sabangsaning “straight news” mun dina jurnalistik mah, ngan ukur bisa kagayem saharitaeun. Bakal béda deui dangiangna mun dibaca mangsa datang. Jadi Fikmin Warta mah babandingan teu pati géséh ti “news ticker” dina télévisi.

 

Fikmin Curhat

Naon nu karasa, nu kaalaaman, nu katémbong, nu kadéngé, dituliskeun jadi fikmin. Ké, ké, apan meureun idé téh jolna tina kajadian siga kitu? Leres pisan. Tapi bédana Fikmin Curhat mah, teu méré tafsiran séjén ka nu maca. Éstuning cék nu nulis kitu téh, nya kudu kitu. Malah mun kongang mah dibudalkeun sagala rupana, ditembrakkeun nepi ka bubuk leutikna. Lian ti éta, Fikmin Curhat mah sok hayang nepi ka “anggeus” waé, contona ditungtungan ku kecap “Tah kitu geuning kalakuan nu siksik melik mah, hiji waktu meunang wawalesna”.

 

Fikmin Dapon

Nu ieu mah siga euweuh duriat nulis fikmin, tapi maksakeun nulis. Atuh boro-boro merhatikeun éjahan, téknik ngarang, da apan dapon téa, sahayuna. Nu penting ku kekecapan basa sunda, rék disingget, rék maké huruf ahéng, kumaha kahayang nu nulis. Atuh eusina, tangtu baé jadi teu puguh hulu teu puguh buntut.

 

Fikmin Petingan

Tah nu ieu mah, ditulisna maké duriat, digayem heula méméh dipidangkeun, ditilik-tilik bisi aya salah ketik, dirautan heula bisi aya kecap nu mubah. Ati-ati dina neundeun koma jeung titik, komo nepi ka salah kecap mah, sigana dipahing pisan. Éta tina cangkang. Atuh tina eusi, aya tarékah pikeun ngolah gumulungna idé, dipapay ka mana alurna, naon baé anu engkéna bakal jadi implengan pamiarsa, dilamunkeun heula bisi matak kuciwa nu maca. Nu kieu mah, enya-enya bogohna ka Nyi Fikmin téh, lain dapon susuitan ti kajauhan.

 

Nulis fikmin, éta pilihan. Badé ka nu mana léokna, nu ngarang nu nangtukeunana. Ieu gé pan aya patalina jeung prosés katut kamampuh. Nu penting mah aya ihtiar pikeun ngundakkeun kamahér nulis: tina dapon kana daria, tina curhat kana petingan.

Sakitu heula rupina. Insya Alloh hiji waktos, urang ngabahas téknik nulis fikmin, ti kawit ngempelkeun idé dugi ka ngajanggélékna jadi Fikmin.

Kintunkeun Koméntar

Ngaran
Alamat email
Alamat Web
Koméntar
Tulis Kode: