Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."


Ajén Ékonomis Fikmin

Mang Opang | Ahad, 27 Januari 2013 05:51
Bagikan ka Lapak Facebook

Di urang mah, pan seniman téh langka bisa hirup tina ngandelkeun karyana. Béda jeung di batur. Anu matak henteu anéh aya nu tuluy ngaririhan sangkan rédaktur koran atawa majalah bisa ngamuatkeun fikmin. Tangtu soal sosialisasi atawa apresiasi karya jadi udagan utamana, tapi meuren teu dileuleungit harepan téh yén lamun sanggeus dimuat tuluy dihonoran.

Kitu deui rupa-rupa saémbara atawa pasanggiri, lian ti tujuanana hayang ngahasilkeun karya pinunjul, tangtu hadiah jadi udaganana. Komo laptop mah. Ti mana horeng ladang tekal tekil nyarpon sapoé bisa ujug-ujug meunang laptop, heuheuh. Nu matak, para fikminer jadi guligah. Bisa jadi loba “renegade” generasi anyar engké téh.

Bet lar aya pikiran anéh deui, sabada macaan fikmin petingan dina ieu grup. Bray deui pikiran téh sabada fikmin nu sauted, dipidangkeun maké grafis. Bisa jadi tujuan awalna keur kaperluan pameran téa. Ngan pangaruhna ceuk uing mah luar biasa. Nu mimitina éta ajén fikmin téh asa biasa-biasa baé, ari geus digambaran mah bet jadi “muriding” macana. Contona fikmin Apel, karangan Mang Bunbun. Mimitina mah siga ha-ha-hah baé, tapi ari macana dina grafisna mah…. edun Ang!

Leuwih marudah batin uing sanggeus maca postingan Ang Tisna Sanjaya. Majar di batur aya mini-print, karya grafis “anu  “leutik jiga anyut Ang Godi Suwarna”, sarta aya festivalna sagala sanajan siga geus stagnan. Buiiihhhh….

Ang Tisna nawisan, “Mun FIKMIN (New Media Art-Sunda) jeung MINIPRINT (Grafis Klasik Manual) kolaboratol-til-mek.. bakal eundeur jagat seni kontemporongos..kumaha, bade moal..? mun moal bade dilancingan deui…”

Sumpah Ang, uing sorangan wantun moal dilancingan deui!

Maksud uing téh kieu: Fikmin bisa jadi bakal leuwih boga ajén ékonomis batan dimuat dina koran atawa majalah anu can tangtu rédakturna wani balitungan jeung wani merenahkeun fikmin minangka karya anu perlu dipaliré. Naha Ang Cécép Burdan wantun upamina nyadiakeun sahalaman Tribun Jabar pikeun midangkeun hiji fikmin, bari didesain sing alus, sarta méré honor gedé keur pangarang sarta desainer grafisna?

Mun wani, hayu jeung uing urang papada teu dilancingan….

Tah, aya pikiran nu anéh deui. Kumaha mun fikmin Sunda nu kolaboratol-til-mek jeung miniprint téh dihargaan lain ku minina, tapi ku ajén estetisna, nepi ka jalma wani nebak ku harga sabaraha baé, siga aduhareupan sarta adutawar jeung lukisan Ang Tisna, Ang Acép Zamzam, atawa lukisan mertua Ang Godi. Mun kitu, Fikmin jeung fikminer tinangtu boga ajén ékonomis nu jauh ngaliwatan wangunna anu ngan saminil.

Upamana, mun engké jadi fikmin téh dipamérkeun, aya jalma anu wani ngahargaan fikmin petingan ku harga nu pantes, anu sabanding jeung ajén éstétis karyana. Pa Réktor upamana wantun mésér fikmin “Piwuruk” Ang Godi, anu desainna kénging hasil saémbara, ku harga atus éwu atawa saenjut. Wah, moal teu beukah fikmin Sunda. Pan teu kudu dimuat dina koran, sanés Ang? Heuheuehe.

Atuh fikminna, moal éra dipajang di ruang tamu, di kantor Pa Réktor, di réstoran, atawa dijantenkeun nisan kuburan. Mun perlu aya galéri atawa musieum husus fiksimini Sunda: ngahadirkeun pentingan fiksimini jeung miniprint hasil kolaboratol-til-mek téa. Tah, can aya boa di batur mah.

Tangtu kedah aya aturan. Upamana, soal orisinalitas gambar dina desain. Katingalna masih réa ngunjalan tina gambar-gambar batur, hasil ngadonlod tina internét. Naha tina soal copyright teu jadi dosa, atawa rék anti copyright waé urang mah. Kitu deui orisinalitas karya, perlu dipikiran.

Hal sanésna, lamun aya nu wani ngahargaan luhur, kumaha soal hak nu mésér sangkan karya nu dipésér ku anjeunna gaduh kaunikan? Naha perlu disertifikatan? Atawa diémbohan ku cap jempol, atawa digantungan ku lancingan lebet asli pangarangna? Tuluy lamun aya nu wani ngahargaan, kumaha babagi honor antara fikminer jeung desainer-na, bisi Ang Nunu nagih di jalan? Heuheuh.

Haddduuuuuhhhhhh..... capé yeuh ngalamun téh. Kieu wé lah, SAHA NU WANI MAYUNAN PANANGTANG ANG TISNA, WANI PAMI TEU DILANCINGAN???.... Cuuuunnnngggg!

Kintunkeun Koméntar

Ngaran
Alamat email
Alamat Web
Koméntar
Tulis Kode: